If you are from Sagunto, you cannot walk by without stopping at one of these hangouts. Great minds are at work here where various topics are discussed from politics, religion, gossip, farming and employment to name just a few. See if you remember some of these places:
Where was your favorite hangout?
Photos courtesy of R.Benosa
20 comments:
aya ket ania ngay ka tribuan sangsangpet ko naggapu diay ayan da kapid Boyet umay ko awisen da chepteyn ken bise chepteyn aya ket nadanonak met idan nga agtartarabako ti papeles ti proyekto ti tribu... ket makita yo ti ayuyang min adu a ti malagip yo ditoy nga kantina no sumungad ka ket maangot mon nga adda magat kabeng ket ibagamon a nga asidegakon diay kantina ni lakay martin.
Lydia saan nga linda ta ayuyang ti babbaket nga tsismosa. uray siak tsistsimisan da kasus!
Ale yaman pay ta inkabil yo dagitoy diay pay koma a susungadan nga istambayan ti tricycle boys.
Kitaen yo ni chepteyn itangtangad na manen diay kabeng ibingayak met ida ti basi ni bise madam latta met ti surat na.
kimat
adda maysa nga kaimportantian nga personalidad ditoy first picture ( akin martin) nga dapat adda met koma ditoy. apay ngay awan ni mng fred "kabeng"? isuna a koma ti namber one dita.
Hahaha, agpaysu ti kunam Kimat! Diay cantina ni lolo Martin sa ket kasla nga executive boardroom ni chepteyn, LOL!
Malagip ko mannen ni Lolo Ireneo nga regular customer met idi ni lolo Martin...no dadumma ket kadwana da late Uncle Jaime Ocampo nga taga daya. No bilinen nak idid ni lola nga apan alaen ni lolo idta cantina ta oras ti pinanganen, maladaw kami a dua ta siak met a sarampitaw nga ubbing ken interesado ak no anyaman ti estoryaen dagidi lalakay. Itogaw kon diay igid ni lolo. Nokwan addan ni lola Dora nga rupangeten diay itsura na! Hay, memories, hahaha...Imbag a ta adda pay dayta nga hang-out!
Babot
wahahah! funny ka OMOM mayat ti paggaak ko kasla ak katok nga maymaysa toy room ko Bago Boardroom gayam ta kantina ni lolo Martin tattan a hahahah manen! hay makbannog ti umlek! mayat siguro ti flow ti thinking da ta adda kabeng hahahahha! uray ditam babot ti la kunkunam!
Talaga met ni kimat a nasiglat ka latta nakauna ka manen ditoy ayuyang ti sagunto ket diay bingay mi ngay nga basi?
Tagadaya ania ngamin ti apelyido ni lakay fred malaglagip ko isuna nga nakaidda dita semento nga tugaw ti barbartek na mabuteng pay ubbing nga mapan gumatangen ngem to be fair nasingpet met isuna uray attek ket saan nga nariri.
adda anak na nga batch mi idi Flordeliza ti nagan na ket ayannan ngata.
Apay ni Uncle Jaime Ocampo bot natayen? diay father da Mina? diay adda UK?
evz
Ayna, nabayag nga awanen ni uncle Jaime Ocampo, sapay naglaing koma ket. Ale, apay aya nasubraan yon sa ti smirnoff dita UK saan launay met a, maymayat ti basi wenno sake.
Makakatawaak ngarud met ti istoryan Babot. Gosh, i can't tell stories about my lolo. he's the biggest shot of all, uray agililad kayon, takatakder pay la met dyay nga lakay. ne, apay, ububbing metten ti agiinom tattan. ket no no dadduma, adda makitak idi dita payas sango da jima nga nabartek nga agililad dita, sanan to kuna, "gud ibning maestra" no lumabasak aggapot manila. kunak met, 2 am men, sika. dayta man ti mayat bassit ta uray nabartek da, they still respect passers-by hahahaha.
Ngem kitaen tayo dagita ubbing dita nga menor de edad ta ipagel tay latta ti aginom, pleaaaase.
Apo Kapitan, ipagel yo ketdi dayta kadagiti agtutubo...dita agpataltalon. Uray saan da nga taga Sagunto, ipagel tayo.
Mabalin ngata nga sublien dyay inggatgatang ko idi ti kendi ken Lolo Martin? Ammoyo dyay 1 cent, mickey mouse wenno japanese coins ngay nga accepted ken lolo martin, nangina gayam dagidiayen tatta. Uray anya met, sige mabalin met nga igatang kenyana, hahaha. Agbiag ka koma nga agnanayon Lolo Martin. Adda pay siguro biskotso na wenno popped rice dita. Ayan nan ni manang Marcelli apo?
Ale, iyaramidan tayo man ti patapanko na manen dagitoy veggie sellers dita. Maymayat no adda ti market tayo, kanayo tay nga makakita ti prutas nga sadiwa. Anya't makuna yo?
I would like to hang out at the Capuyan's store. Capuyan kasi is a Sagada name so they must trace their roots from my hometown. Baka kabagian mi pay isuda :-)
Hello Bill, thanks for visiting again. We were told that some of our Bago roots are originally from Sagada; many of their cousin families are now living in San Emilio, IC.
Have you heard of any Balan-eg clans there? How about the Gat-ebs? Don't know the other old surnames. Sawadan too maybe, the other Castillos who didn't change their family names to Spanish-sounding when the Spaniards came.
Ay ay, ket kas makitkitak
Dagita, maammiris ti ladawan
Ti maysa a pagilian sadinno't
Inda naggappuan, ay sadinno
Dayta pulo,naggapuan ap-apo.
Timmaud ti natibker a pammati
Kimmebkeb ti napuskol a daga
Di maguday ti anyaman a didigra
Maitan-ok latta, maipangato
Dagiti tinawid a sasao
Babaen ti sursuro ti ap-apo
Sirsirib a nabigbig a Bago.
Nalaka aya nga paliknawen
Ti napigket a dara,
Mangisakit ti kakabsat
Ken kakadwa padapada
Ta uray man ada-adayo
Ti pagianan da, naasideg
Met latta, siaawat ti ima,
Maymaysa't anges,
Tagtagainep da.
No man agkakanito,
Mapagtapkal-tapkal ti riribok
Nga narigat nga ilikliko,
Dumteng to met laeng ti aldaw
Panagkikita't amin dyay abung
Pangpangulo ken tattao,
Agkakanyaw, agpapannakkel
Kadagiti araramid
Pinagballigi ti ayat ken arig.
Ket uray man inton
Dumteng ti sukisok,itangguyob
Ti digra, ta agdinggeg da
Sieeggen ti gargaret ken labba
Ket wen latta, adda mangiyawat
Ti basi ken tapey ta tengnga,
Pangikkat ti bannog
Kas pagur-urayan dalan dita.
Ay sus nagimas pay,
Diay balon da a nateteppel
Nga innapoy naideppel
Ti nabanglo munamon bugguong,
Mawaw to met ni lakay
Ket iyawat mon ta bassit
Botelya a nasileng,
Ay ay maragsakan unay
Uray ni apo nga Babot
Agdingngeg ti salsalidummay.
Siraragsak nga aguma,
Siaawat ti ima ti kakadwa,
Simumulagat ti tsismis
Wenno damdamag igigid dita,
Naganar met kapanunutan da,
Ngem aguray ka sika,
Iton inda agdisdiskurso dita,
Ilisem la ta sakam ken rupa
Ta baka inda agiwarsi,
Ay sus, kakaasi ka
Kasla ken Romelia
Nga agugugas ta pay-as
Nangisit wenno nalabaga
Nalamuyot met nga nayadiyadi
Tupra ni Apom,Bag-o ta daya,
Nyahahayyy!
apo lakay
ahay,imbag la dyay
angot ti rungrong maymayat
Hello kumusta ti kakadwa dtoy abong nga maal-ala met ti pagsasaritaan ti napalabas kin ti agdama.,
Makapakatawa apo ti apan tay malagip nga experience tayo, agpayso no aggapo ka diay kalsada nga agpadaya, aglabas ka latta nga aglabas ti kantina ni apo Martin nga pagha hang-outen ti bartek kin uray pay ti saan nga agbarbartek. "kas pakikisama",
Mabigbig ko ditoy pix ket ni uncle Kulaw agitangtangad, no ania ngata ti apan na itangtangad....
Kas kunam apo Tagadaya awan ni uncle Fred nga mkitam dita pix,ket isuna koma ti namber wan. Ay ket ditay la ammo met a no adda manen idiay ayan ti sakaanan ti poste. Ket no ngay met matmaturog "siesta time". Matmaturog nga makutkuton manen ngatan. Nga di na pay marikna diay kuton ay ket bunar pay met.Iturturog na laeng ta addan to ti pamigsa na agitangad uray no nakakidem pay laeng nga narigat na nga mailukat diay mata na ta its nature ngarud "mga mapupungay na mata", kas kunada ti tagalog.
Adu ti malagip ko ti daytoy nga kantina nga isu ti pagtarayan nga gumatang ti vitsin kin kendi nga sagsisingko nga kas kuna ni mng Emily.
It's almost 24 hours nga adda customer na. Agserra la bassit ti mano nga oras ket adda manen ti siuuray diay ruar ti kantina. Kutno diay maysa tugaw nga semento ket isu ti bed ni uncle Fred imbag la nga bodyguard ni lolo Martin. Ta tano mapan pay la agpadaya nga agawid ni uncle Fred ket ay apo ta makatawen to nga makadanon diay liskeb nga isu ti residencia na.
Malagip ko nga basta agawidak nga aggapo diay Baguio, aggapoak ti kolehiyo.Number one nga mangaknaledge kanyak ket ni uncle Fred nga siisem. "imbag man ta adda ka, dumagas ka no ania ti inyawid mo", kanayon nga isu ti makitak ta isu met ti masusungad ko.
Kas agpadpadayaak, ti met kantina ni auntie Lydia ti masungad ko nga pagpupunnipunan kin pagtitimpuyugan ti mannao nga babbaket. "ay adda ka met apok", ti ragsak nga mangpasungad. Pasaray agsardengak ti hang out da to update ti namiss ko nga issue, kin nagpintas ti makisarita ti timpuyugan da.
Napintas ti daytoy nga paghahang-outan ti tattao ditoy brgy tayo esp, ti babbaket ket lallakay ta maoccupy da saan nga pumardas ti panagkabaw.
kasus naggapuak diay abong ket diak matarusan ti saritaan da ngem di bale agkikinnaawatan da lattan. ay na ditoy gayam ti ayan mayat nga pakaentertainan ta makabannog ti apan taltalon nga agmalmalem aye salakan ketdi ni apok romelia maudi udi ya ti damdamag ditoy masapul nga apdeyt ka met a ngamin ngem mayatak ta kunkunayo ken maestra emily ta agpayso nga palpaliiw ta ana ket dimmakkel kayo met nga nakaimatang ti paspasamak ti sagunto ket wen no adda antigo nga makan kas ti vicks kendi, diay takki ti kabalyo ngay nga nakoloran ti nalabbaga nga tinapay no adda imos ko idi ket sangasakroy metten a didiay sakonto itugaw ti reses nga nakapiyyapi ti sakak nabnabsugakton. di nasursurok gumatang kabeng awanen diak pay natorpos ti greyd six ta min unget ti memestla mi idi isu nga ti ammo daydi nanang addaak eskuwelaan addak met gayam diay kantina ni lakay martin agayayam ti jolens agawidak to met no panagaawid ti ubbing pasaray kaayayam ko pay ni kelly ta dita la ti balayda. uray dak la ungungtan daydi dios ti alwad na nga baket Sising nga innak kano ageskuwela di kuwan ket sinalusud ko diay kaeskuwelaak ni Bugoy ania ti martin nga nalaing nga agkanta ken agsao di na ammo sikayo ngay ammoyo?
Ala ket kalkala igid nga pimmusay ni Apo Gobyerno Eva kasus dikanto met ngamin matattao ditoy sagunto saka la agparang no kaykayatmo gungunam tatta ngay talaga nga uray kayat mo ket minrigat kan a nga umay ngem saanna nga bale agkita tanto manen sapay la koma ta dinto pay naibus toy barak gapu ti kabeng ken basi ni kapid ko nga Boyet.
kimat
AYUYANG
ayuyang ti tagtag-inep
ti tribu Sagunto
Tribu ti nabibileg
ken nababaneg
gapu ti andor
ken anus dagiti
appo amma ken inna!
Ayuyang ti Tribu
di man la malipatan
dagiti annak
ken appoko
sadino man
inda nakadanonan
nga suli ni Ina Daga!
Ayuyang ti mamaingel
nga tubo ti tribu
adu dan ballasiw taaw
ta inda nasarakan
ti nalaslasbang
pagaraban para
ti pamilya ken tribu!
Ayuyang ti mamasirib
nga appo ken amma
ti puli tayo
inda pagsasaritaan
ti kaipapanan
ti biag ken pasamak
ti sosyodad!
Ayuyang dagiti naandor
nga uray tengnga ti aldaw
inda latta dalyasaten
tapno maaramid
ti kalikagum
ti pagsyaatan
pamilya inda binangon!
Ayuyang dagiti natutured
inda ited ti biag da
tapno malak-am
ti kapia
para iti kaaduan
isu nga kayat tay
magun-udan!
Ayuyang dagiti
Baro nga banwar
ti pagilian
adda dat ballasiw
taaw nga intay
pangiyasasugan
kasapulan ti tribu!
Ayuyang dagiti
banwar nga kasta
unay ti ragsak da
nga makakita
dagitoy nga pasdek
ket umapay ti lagip
dagiti napalpalabas!
Ayuyang ti tribu
nga mangyeg kadakuada
ti rag-o ken inspirasyon
agsipud ta dagitoy
nga ayuyang ket iyeg na
ti naduma duma nga
pakasaritaan ti biag!
Ayuyang nga sibibiag
nga pasdek nga nakaimatang
ti Puli ti tribu
idi ken ita
ket no agsao koma
daytoy saan nga
malaon ti adu nga libro!
Ayuyang nga nangted rag-0
kadatayo amin
nangted ti naimnas nga dayag
ayuyang ti tribu
agraman kabeng nga binteng
ta awan ti dolyar
nga igatang estyetsayd.
ala sagot ko man
kada elmerb. korean bug
esteb jepoy jersanti
2kcafe xander ken amin nga
mamaingel uray pay ni rolly
ken kgd. cesar nga naanus.
ania elmerb ania ti makunam
ale madama tangad min!
kimat
@your servis
Wen a. Makapakatawa, makapaisem, makapasangit pay a no dadduma dagita malagip nga experiences dita. Ngem uray pay, adda tayo amin ditoy nga maragsakan a makakita ti nagapuanan tayo. Kasla tay met la nga adda diayen anya? Malagip ko pay a ni Uncle JaimeO nga no naimasan nan ti inom aket agguitarra ken agcanta pay, kasla ngarud a fiesta.
Iso nga ammok a nga dagita addo nga katribu tayo ti ballasiw taaw maikawa da ta awan ti kasta a cantina nga pag hang-outan. At least a ket adda ti virtual abong tayo. Urayman no awan tay idiay , no umay tayo ditoy, kasla tay met la nga addadta Sagunto, imaginen yo laengen a :-)
~Babot
Hi Emily,
Owen adda nangnangngeg ko nga Balan-eg idiay Sagada. No Gat-eb, awan pay met nangngeg ko ngem baka banda da metlang idiay nga nagapo. Adda am-ammok nga Sawadan ngem taga Tinglayan, Kalinga met ti poon da. Nice to trace names like this ano :-)
kimat you are so funny didak ungtan a ania ngarud ket adda met mission ti tunggal maysa saan lang nga uneg ti Barangay yap I was not really informed about the death of uncle Jaime.
Di bale naglaing ka nga agdaniw nabasak diay saritaan yo ken elmerb agkara mayat met di ba.
Ngem pinagpanunot dak amne nga ngabasa ta kunkunam narigat bassitnga maawatan ta words mo.
Ngem no ipudnom kanaik no sinno ka maawatak to metten siguro hahahha!
evz
hi Billo bilig nice to hear from you again taga Sagada met ti nakaikamangan ni Uncle ko adda da diya Korea tatta baka agaammo kayo pay napan ti maysa nga jeep nga Tribu ti Quilaman last year and they enjoyed the Place nagpintas kano. Thanks for dropping by ken kanayunem met a ti bumisita to know you more.
evz
kas sumungad ka dita sakaanan
ti nalangto nga aglawlaw
banbantay nga aran, bumassit
ti karsada nga agpangato
ta gayam iguyod daka nga umuli
kasla agdan tangatang, sinan
piramido nga agkarkararag
ken ni Apo ta ngato, aglualo
dagiti kaykayot kaimito
tsesa ken mangga,indyan mengo
ken dagiti nagango nga inyog
dita agpadaya ken santa maria.
apay ngata nga di malipatan
dagiti kankanta nga naigitaraan,
dagiti sumagmamano nga kanito
ramrambak ti grupo wenno
aw-awis ti gagayyem agpamacoco
agiyawit ti pasiking napunpunno
ti kilabban , sida ken manok
nga itono, dita turod abagatan
ket uray man adda pugpugot
nga kunada dita bassit
nga bantay ti tribu kumikita
aiyatangan da la ti asi ken suka
ayna nagimasen ton tomar da
pangpabara ti tultulang
ken dila nga agbitlabitla,
awan sarsardeng na nga
diskurso nga awan mamaay na
wenno tik-ol ken sangsangit
ti biag nga naladingit.
ay ay ti ragsak ti kinaubing
ti ugaob dagiti babbaro
nga naikawa ti adu-ado
nga araramid ken pannubok
ti inaldaw-aldaw nga trabaho
eskwela ken panakikadwa
aglalo parikot ti puspuso
nga di makapnek, di makaited
kapya ti tunggal rabii
nga paginana,ket uray no kasta
addamet gayam kabeng da dita
pangikkat ti bain
ken kakatkatawa nga langa,
ay ket kasla arin to
nga tomakder dita tengnga
ti turod nga isu't lapayag
dagiti ambagel,agtutubo
ti bago nga sagunto.
apo lakay
ali, dakayo tatta
dumawatak ton ti tong
nga agpamacoco kalpasan nga masementok dayta hakhakhak
Ay inayan aya bill bileg
Adtoy ngatan abes ti pakasarakam ti kabagiam iti daytoy nga abong tayo.
Kas koma ti maysa ditoy nga ubing nga pasaray aglabas labas ti ayuyangan tayo.Side Romelia,nga ag agdyot dyoti idi idiay Bettag kin Camp Dangwa diay Trinidad. Maidistino kunada ti clinic naey Capitol. Misyon da nga agkakaeskewlaan, agsurbey ti mano ti annak na ti dayta nga pamilya kin mapan mangisuro ti family planning. Dumanon nga agpayso diay strawberry fields nga mapan aginterbyo ti inna.
Pasaray tungtung, tungtung balatong pasaray agisubo ti strawberry nga nasibbugan ti nagarinsaedan piman ti isbo di rabii, ay ket bitamina ket naggeta aya.
Ti kasta nga panagsasarak da ti clinic, adda ti baggat baggat na nga strawberry kin sangatiklis nga sayote nga isu't napan na kinasassao diay taltalon.
Ay ni Romelia aya nga nakasapul piman ti puon na kin kabagian na, ket natuppakan ti say sayote nga sangatiklis.
Isu ti apo daydi apo lakay Pul-lit (Hipolito Capuyan). Ni abalayan Pul-lit aya nga side puon da ket diay Sagada.
Hey Romelia mayat man ta saan ka pay nga candidato ti agkabaw ni esteb awanen hopeless didak malagip hehehe! Meliang just read your message in my blogs ta nagsintemyantuak manen isu nga naka creatak wen siak awan sabali but I was in Laoag not Vigan and remember diay panagkakadua tayo kada Sharon nga napan nagisursuro ti Vacation Bible School lots of memeories ale atumambay ka pay diay ayanda auntie Lydia kitaem makalagip ka manen ta adu ti mangngeg mo accept mo invitation ko diay friendster napintas ka latta!
manang evz
Hi Romelia,
Agipaw-it ka man ti pics yo ditoy abong tapno makita mi met ti beauties dita ayan yo. Aywen gayam, urayen yo ta addan to met kano ditoy ni Mng. Fred nga ururayen ni Tagadaya. hahaha...
Kumusta kay amamin dita, especially ni Aunty HelingB Castillo and Aunty Mary (nee Bongog). I heard both were hospitalized, I hope they are both doing well now, please extend my regards to them. Love to all.
Babot
Hello Mng. Babot
Thankx for asking the ff: auntie Heling B, is for Barbie. Still sexy as ever of course. Lola Mary B. is healthy and always smiling and huggable.
Take care
Romelia
Post a Comment